ہ۔ ہدیے اور مَنّتیں (ابواب ۲۸ ۔۳۰)
ابواب ۲۸، ۲۹ اِن ابواب میں لوگوں کو یاد دلایا گیا کہ وہ موعودہ ملک میں کون کون سے ہدیے لائیں اور کون کون سی عیدیں منائیں۔
روزمرہ کی قربانیاں
صبح و شام مسلسل سوختنی قربانیاں اور نذر کی قربانیاں گزرانی جائیں (۲۸:۳۔۸)۔
جب تک ہیکل قائم رہی، ہر روز صبح و شام درج ذیل قربانیاں چڑھانا لازم تھا۔(گنتی ۲۸:۳۔۸)
ہر صبح و شام یک سالہ بے عیب برّہ سوختنی قربانی کے طور پر چڑھایا جاتا۔ اِس کے ساتھ نذر کی قربانی بھی پیش کی جاتی جو ایفہ کے دسویں حصے کے برابر میدے پر مشتمل تھی جس میں کوٹ کر نکالا ہوا تیل چوتھائی ہِین کے برابر ملا ہوتا تھا۔ علاوہ ازیں ہین کی چوتھائی کے برابر مَے فی برّہ تپاون کے طور پر پیش کی جاتی۔
صبح و شام اِن قربانیوں سے پہلے بخور کی قربانی ہوتی تھی۔ جب سے ہیکل بنی اور جب تک یہ قائم رہی، قربانیوں کا یہ سلسلہ جاری رہا۔ کاہنوں کے لئے قربانیوں کا یہ سلسلہ اُکتا دینے والا اور نہ ختم ہونے والا تھا۔ لیکن یہ سب کچھ کرنے کے بعد بھی لوگوں میں گناہ کا احساس اور خدا سے جدائی کا شعور باقی رہتا تھا۔
ہفتہ وار قربانیاں
ہر سبت کو سوختنی قربانیاں نذر کی قربانی اور مَے کے تپاون کے ساتھ (۲۸:۹، ۱۰)۔
ماہوار قربانیاں
ہر مہینے کے پہلے دن سوختنی، نذر کی قربانی اور مے کے تپاون کے ساتھ (۲۸:۱۱۔۱۴)۔ خطا کی قربانی (۲۸:۱۵)۔
یہوواہ کی عیدیں
فسح: پہلے مہینے کی چودھویں تاریخ کو (۲۸:۱۶)۔
عید فطیر : پہلے مہینے کی پندرھویں تاریخ سے اکیسویں تاریخ تک (۲۸:۱۷۔۲۵)۔
ہفتوں کی عید: (۲۸:۲۶۔۳۱)۔
یاد رکھئے پہلے پھلوں کا دن (آیت ۲۶) پہلے پھلوں کی عید سے خلط ملط نہ کیا جائے(احبار ۲۳:۹۔۱۴)۔
مقدس کتاب
۱ اور خداوند نے موسیٰ سے کہا کہ
۲ بنی اسرائیل سے کہہ کہ میراچڑھاوا یعنی میری وہ غذا جو راحت انگیز خوشبو کی آتشین قربانی ہے تم یاد کرکے میرے حضور معین وقت پر گذرانا کرنا
۳ تو ان سے کہہ دے کہ جو آتشین قربانی تم کو خداوند کے حضور گذراننا ہے وہ یہ ہے کہ دو بے عیب یکسالہ نر برے ہر روز دائمی سوختنی قربانی کے لیے چڑھایا کرو
۴ ایک برہ صبح اور ایک شام کو چڑھانا
۵ اور ساتھ ہی ایفہ کے دسویں حصہ کے برابر میدہ جس میں کوٹکر نکالا ہوا تیل چوتھائی ہین کے برابر ملا ہو نذر کی قربانی کے طور پر گذراننا
۶ یہ وہی دائمی سوختنی قربانی ہے جو کوہ سینا پر مقرر کی گئی تھی تاکہ خداوند کے حضور راحت انگیز خوشبو کی آتشین قربانی ٹھہرے
۷ اور ہین کی چوتھائی براب مے فی برہ تپاون کے لانا ۔ مقدِس ہی میں خداوند کا یہ تپاون چڑھانا
۸ اور دوسرے برہ کو شام کے وقت چڑھانا اور اسکے ساتھ بھی صبح کی طرح ویسی ہی نذر کی قربانی اور تپاون ہو تاکہ یہ خداوند کے حضور راحت انگیز خوشبوکی آتشین قرنانی ٹھہرے
۹ اور سبت کے روز دو یکسالہ بے عیب نر برے اور نذر کی قربانی کے طور پر ایفہ کے پانچویں حصہ کے برابر میدہ جس میں تیل ملا ہو تپاون کے ساتھ گذراننا
۱۰ دائمی سوختنی قربانی اور اسکے تپاون کے علاوہ یہ ہر سبت کی سوختنی قربانی ہے
۱۱ اور اپنے مہینوں کے شروع میں ہر ماہ دوبچھڑے اور ایک مینڈھا اور سات بے عیب یکسالہ نر برے سوختنی قربانی کے طور پر خداوند کے حضور چڑھایا کرنا
۱۲ اور ایفہ کے تین دہائی کے برابر میدہ جس میں تیل ملا ہو ہر بچھڑے کے ساتھ اور ایفہ کے پانچویں حصہ کے برابر میدہ جس میں تیل ملا ہو ہر مینڈھے کے ساتھ اور ایفہ کے دسویں حصہ کے برابر میدہ جس میں تیل ملا ہو۔
۱۳ ہر برہ کے ساتھ نذر کی قربانی کے طور پر لانا تاکہ یہ راحت انگیز خوشبو کی سوختنی قربانی یعنی خداوند کے حضور آتشین قربانی ٹھہرے
۱۴ اور ان کے ساتھ تپاون لیے مے فی بچھڑا نصف ہین کے برابر اور فی مینڈھا تہائی ہین کے برابر اور فی برہ چوتھائی ہین کے برابر ہو یہ سال بھر کے ہر مہینے کی سوختنی قربانی ہے
۱۵ اور اس دائمی سوختنی قربانی اور اس کے تپاون کے علاوہ ایک بکرا خطا کی قربانی کے طور پر خداوند کے حضور گذرانا جائے
۱۶ اور پہلے مہینے کی چودھویں تاریخ کو خداوند کی فسح ہوا کرے ۔
۱۷ اور اسی مہینے کی پندرھویں تاریخ کو عید ہو اور سات دن تک بے خمیری روٹی کھائی جائے
۱۸ پہلے روز مقدس لوگوں کا مجمع ہو تم اس دن کو ئی خادمانہ کا م نہ کرنا
۱۹ بلکہ تم آتشین قربانی یعنی خداوند کے حضور سوختنی قربانی کے طور پر دو بچھڑےاور ایک مینڈھا اور سات یکسالہ نر برے چڑھانا اور یہ سب بے عیب ہوں
۲۰ اور ان کے ساتھ نذر کی قربانی کے طور پر تیل ملا ہوا میدہ فی بچھڑا ایفہ کے تین دہائی حصہ کے برابر اور فی مینڈھا پانچویں حصہ کے برابر
۲۱ اور ساتوں بروں میں سے ہر برہ پیچھے ایفہ کے دسویں حصہ کے برابر گذرانا کرنا
۲۲ اور خطا کی قربانی کے لیے ایک بکرا ہو تاکہ اس سے تمہارے لیے کفارہ دیا جائے
۲۳ تم صبح کی سوختنی قربانی کے علاوہ جو دائمی سوختنی قربانی ہے انکو بھی گذراننا
۲۴ اسی طرح تم سات دن تک آتشین قربانی کی یہ غذا چڑھانا تاکہ وہ خداوند کے حضور راحت انگیز خوشبو ٹھہرے روز مرہ کی دائمی سوختنی قربانی اور تپاون کے علاوہ یہ بھی گذرانا جائے
۲۵ اور ساتویں دن پھر تمہارا مقدس مجمع ہو اس میں تم کوئی خادمانہ کا م نہ کرنا
۲۶ اور پہلے پھلوں کے دن جب تم نئی نذر کی قربانی ہفتوں کی عید میں خداوند کے حضور گذرانو تب بھی تمہارا مقدس مجمع ہو اس روز کوئی خادمانہ کا م نہ کرنا
۲۷ بلکہ تم سوختنی قربانی کے طور پر دو بچھڑےاور ایک مینڈھا اور سات یکسالہ نر برے گذراننا تاکہ یہ خداوند کے حضور راحت انگیز خوشبو ہو
۲۸ اور انکے ساتھ نذر کی قربانی کے طورپر تیل ملا ہوا میدہ فی بچھڑا ایفہ کے تین دہائی حصہ کے برابر اور فی مینڈھا پانچویں حصہ کے برابر
۲۹ ) اور ساتوں بروں میں سے ہر برہ پیچھے ایفہ کے دسویں حصہ کے برابر ہو
۳۰ اور ایک بکرا ہو تاکہ اس سے تمہارے لیے کفارہ دیا جائے ۔
۳۱ دائمی سوختنی قربانی اور اسکی نذر کی قربانی کے علاوہ تم انکو بھی گذراننا ۔ یہ سب بے عیب ہوں اور انکے تپاون ساتھ ہوں ۔