کتابِ مقدس کی تفسیر

عزرا

Ezra

از

وِلیم میکڈونلڈ

اِس تفسیر کی مدد سے آپ کلامِ خدا کے مندرجات کو زیادہ صفائی اور آسانی سے سمجھ سکتے ہیں۔ یہ بڑے چُست، مودَّب، پُر خلوص، سنجیدہ اور عالمانہ انداز میں لکھی گئی ہے۔ اِس کا اِنتخاب آپ کے شخصی گیان دھیان اور گروہی مطالعۂ بائبل کے لئے بہت مفید ثابت ہو گا

Believer’s Bible Commentary

by

William MacDonald

This is a Bible commentary that makes the riches of God’s Word clear and easy for you to understand. It is written in a warm, reverent, and devout and scholarly style. It is a good choice for your personal devotions and Bible study.

© 1995 by William MacDonald, Believer’s Bible Commentary
Christian Missions in Many Lands, Inc.
PO Box 13, Spring Lake, NJ 07762
USA
— All Rights Reserved —

مقدمه

’’عزرا کی کتاب اِس قدر سادہ سی کتاب ہے کہ اِس کے تعارُف کی ضرورت محسوس نہیں ہوتی۔ یہ یہودی تاریخ کے نہایت اہم واقعات میں سے ایک کا صاف اور سادہ سا بیان ہے __ یعنی خدا کے لوگوں کی بابل کی اسیری سے واپسی۔ اِس میں براہِ راست نہایت تھوڑی نصیحت کی گئی ہے۔ مصنف نہایت سادگی سے اپنی داستان کو بیان کرتا ہے تاکہ یہ داستان بذاتِ خود اپنے اندر پوشیدہ اسباق کا اِظہار کرے۔‘‘ (‏جارج رالنسن ۔ George Rawlinson)‏

۱۔ مُسلَّمہ فہرست میں منفرد مقام

کسی وقت عزرا اور نحمیاہ کی کتب ایک ہی کتاب تھی۔ لیکن اب یہ دو علیٰحدہ علیٰحدہ کتابیں ہیں۔ بلاشبہ شروع شروع میں یہ دونوں کتابیں علیٰحدہ علیٰحدہ تھیں‏، کیونکہ عزرا ۲ باب اور نحمیاہ ۷ باب کا متن تقریباً ایک جیسا ہے اور ایک ہی کتاب میں ایک ہی بات کو دُہرانا ناقابلِ تصور ہے۔ 

عزرا کی کتاب روحانی تاریخ ہے۔اِس سے ظاہر ہوتا ہے کہ ایسی کتاب جس میں بہت سی دستاویزات اور غیر مذہبی مواخذ سے مواد شامل کیا گیا ہو وہ بھی روح القدس کے اِنتخاب اور ترتیب سے الہامی کتابوں کا حصہ بن سکتی ہے۔ 

عزرا کی ۲۸۰ آیات کی نہایت غیر معمولی تقسیم ہے:‏ 

۲۔ مصنف

گو اِس کتاب کا مصنف گمنام ہے‏، تاہم صیغۂ واحد متکلم میں یادداشتیں (‏دیکھیں ۷:‏ ۲۷۔۹:‏۱۵)‏‏، نسب نامے اور دستاویزات کو لکھنا غالباً عزرا کا کام ہے۔ سرکاری دستاویزات ارامی زُبان میں ہیں جو اُس وقت غیر قوموں میں سرکاری زُبان کی حیثیت سے رائج تھی اور عزرا اور نحمیاہ کے ایام میں بین الاقوامی زُبان تھی۔ عزرا کی کتاب کا تقریباً ایک چوتھائی حصہ اِس زبان میں لکھا ہوا ہے۔ عبرانی زبان کے خوبصورت حروفِ تہجی اِسی سامی زبان یعنی ارامی سے لئے گئے تھے۔ 

۳۔ سنِ تصنیف

دریائے نیل کے کنارے الفنٹائن میں سکونت پذیر یہودی جماعت کے لکھے ہوئے پپائرس کے ایسے نسخے ملے ہیں جو بالکل عزرا اور نحمیاہ کی کتابوں کی مانند ہیں۔ اِس سے اِس روایتی نظریے کی تصدیق ہوتی ہے کہ یہ کتابیں پانچویں صدی ق م میں لکھی گئیں‏، اور اِس سے آزاد خیال نظریے کی تردید ہوتی ہے کہ یہ کتابیں سکندرِ اعظم کے دَور میں لکھی گئیں ‏، اور اِس سے آزاد خیال نظریے کی تردید ہوتی ہے کہ یہ کتابیں سکندرِ اعظم کے دَور میں لکھی گئیں (‏قریباً ۳۳۰ ق م میں)‏۔ 

عموماً خیال کیا جاتا ہے کہ عزرا نے یہ کتاب دسویں باب کے آخر کے واقعات (‏۴۵۶ ق م)‏ اور نحمیاہ کی یروشلیم میں آمد (‏۴۴۴ ق م)‏ کے دوران لکھی۔ درج ذیل تواریخی جدول عزرا‏، نحمیاہ اور آستر کی کتابوں کو سمجھنے میں مدد دے گی۔ 

۴۔ پس منظر اور موضوعات

عزرا کی کتاب کے شروع میں بابلی حکومت دَم توڑتی ہوئی نظر آتی ہے اور یہودیوں کے اپنے ملک کو واپس جانے سے یرمیاہ کی پیش گوئی پوری ہوتی ہے (‏یرمیاہ ۲۹:‏ ۱۰۔۱۴)‏۔

۱۔۶ ابواب میں زربابل کی قیادت میں فلستین میں واپسی کی پہلی مہم کا آغاز ہوتا ہے۔ جلاوطنوں نے واپس جا کر سب سے پہلے سوختنی قربانی کے مذبح کو بنایا‏، بعد ازاں خداوند کے گھر کی تعمیر کا کام شروع کیا گیا۔ خدا کے لوگوں کے دشمنوں نے خدا کے گھر کی تعمیر کی بہت مخالفت کی‏، لیکن حجی اور زکریاہ نبی نے بڑی حوصلہ افزائی بھی کی۔ 

۶ اور ۷ باب کے درمیان تقریباً ۵۸ سال کا عرصہ ہے۔ اِس دَور میں ملکہ آستر کی ڈرامائی کہانی وقوع پذیر ہوتی ہے اور عوامی تاریخ میں Marathon‏، Thermopylae اور سلمیس کی مشہور جنگیں رُونما ہوئیں۔ 

۷۔۱۰ ابواب میں یروشلیم کو عزرا کے سفر (‏تقریباً ۴۵۸ ق م)‏ کا بیان ہے۔ وہ ارتخششتا بادشاہ کے احکام کے ساتھ وہاں جاتا ہے۔ اصلاحات کے لئے عزرا کی شخصی کاوشوں کا اِن ابواب میں تفصیلی ذکر ہے۔